د شیخ زاید پوهنتون رئیس شیخ الحدیث محمد یعقوب نیازي له تدریسي روغتون څخه لیدنه وکړه.
نن ورځ ۱۴۰۱ ل.ل کال د لیندۍ میاشتې ۲۴مه نیټه چې د ۱۴۴۴ هـ.ق د جمادي الاول میاشتې ۲۱مې نیټې سره برابره ده، د شیخ زاید پوهنتون رئیس شیخ الحدیث محمد یعقوب نیازي په داسې حال کې چې د شیخ زاید پوهنتون علمي او محصلانو چارو مرسیتالانو او د تدریسي روغتون ډاکټرانو یې ملتیا کوله، د تدریسي روغتون له بېلا بېلو برخو څخه یې لیدنه او د ځینو مریضانو سره یې له نږدې پوښتنه وکړه.
ښاغلي نیازي د تدریسي روغتون په لیدو خوښي څرګنده کړه او د تدریسي روغتون له ډاکترانو سره د ستونزو د حل او نورو اسانتیاوو برابرولو په برخه کې یې د پوره همکارۍ ډاډ ورکړ.
د نشراتو، اطلاعاتو او عامه اړیکو آمریت
