د دعوت او ارشاد عمومي کمېتې غونډه تر سره شوه.
د شيخ زايد پوهنتون رئيس شیخ الحدیث مولوي محمد نسیم ح.قـ.ـاني په مشرۍ د دعوت او ارشاد اصلي کمېټې غونډه چې د لوړو زده کړو وزارت د محصلانو خدمتونو او همغږۍ ریاست رئیس استاد کلیم الله محمدي هم ګډون درلود، تر سره شوه.
په غونډه کې د محصلانو د راتلونکي پنځلس ورځني دیني سیمینار د پیل لپاره د اماده ګۍ، د ماسپیښین لمانځه په جماعت سره د اهتمام، د مهال وېش له مخې د استادانو په حلقوي درسونو کې د ټولو استادانو په ګډون او یو شمېر نورو موضوعاتو باندې بحث تر سره او په اړه یې لازمې پرېکړې وشوې.
په غونډه کې د لوړو زده کړو وزارت څخه محصلانو ته د پنځلس ورځني دیني سیمینار برابرولو په موخه د راغلي پلاوي مشر او د لوړو زده کړو وزارت د محصلانو خدمتونو او همغږۍ رئيس استاد کلیم الله محمدي وویل؛ دغه سیمینار د پوهنتون د يادې کمېتې سره به په همغږۍ پر مخ وړو، چې د شيخ زايد پوهنتون رئيس شیخ الحدیث مولوي محمد نسیم ح.قــ.ـاني لخوا ورته د همکارۍ او لازمو اسانتیاوو برابرولو ډاډ ورکړل شو.
نشراتو او عامه اړیکو آمريت
