شيخ زايد پوهنتون کې د کیفيت لوړولو، اعتبار تر لاسه کولو او ساتنې د عامه پوهاوي يو ورځنی ورکشاپ وړاندې شو.
په ياد ورکشاپ کې د شيخ زايد پوهنتون رئيس شيخ الحدیث مولوي محمد نسيم حقـ.ـاني، مرستيالانو، پوهنځيو رئيسانو، کادري او اداري آمرينو او د کمېټو غړو ګډون کړی و.
په دغه ورکشاپ کې د نوي چارچوب (چوکاټ) مطابق د کیفيت لوړونې یوولس معيارونه تشريح شول او اړندو معاونيتونو او آمريتونو ته دنده وسپارل شوه چې د ياد چارچوب مطابق خپلې چارې تنظيم کړي.
ياد ورکشاپ د علمي معاونيت اړوند کيفيت لوړونې آمريت له لوري برابر شوی و، چې د پوهنوال حسام الدين رحيم زي له لوري وړاندې شو.
نېټه: چهارشنبه
۱۴۴۸ هـ.ق کال د محرم الحرام اتمه
۱۴۰۵ هـ.ش کال د سرطان درېیمه
۲۰۲۶ م کال د جون ۲۴مه
نشراتو او عامه اړیکو آمریت
