د پښتو ژبې او ادبیاتو ماسټرۍ پروګرامونو تطبیق او پراختیا په موخه د لوړو زده کړو وزارت مشرتابه پلاوي په شتون کې د هېواد د اوو پوهنتونونو تر منځ اووه اړخیز هوکړه لیک لاسلیک شو.

szu_admin
شنبه ۱۴۰۰/۵/۹ - ۱۴:۵۴
szu and 7 other un master pro...

د هوکړه لیک د لاسلیکولو په ناسته کې د لوړو زده کړو وزیر دوکتور عباس بصیر د پښتو ژبې او ادبیاتو پیاوړتیا او پراختیا په موخه د هېواد د اوو پوهنتونونو ترمنځ د همکارۍ هرکلی وکړ او ترڅنګ یې په هېواد کې د پښتو ژبې او ادبیاتو د پیاوړتیا او پرمختګ لپاره دا یو هیله بښونکی ګام وباله.

MoHE Minister

د کابل، شهید استاد رباني ښوونې او روزنې، ننګرهار، کندهار، هرات، د خوست شېخ زاید او بلخ پوهنتونونه د دغه هوکړه لیک پلي کوونکي دي.

szu and 7 other un master pro...

دوکتور عباس بصیر وویل چې د یوه هېواد کلتوري بډاینه د ژبې او ادبیاتو سره تړاو لري او ژبه د یوه هېواد کلتوري بنسټ جوړوي. لوړو زده کړو وزیر زیاته کړه:"داسې یو کار چې د یوې ملي ژبې په توګه له پښتو سره ښايي تر اوسه نه دی شوی او باید د لېسانس، ماسټرۍ او دوکتورا په برنامو کې اړین او وړ کار په دې برخه کې ترسره شي، د دې برخې لیکوالان او استادان باید آثار د معتبرو منابعو په توګه رامنځته کړي او د هېواد د ژبې او کلتور د ظرفیت لوړولو سره مرسته وکړي."

szu chancellor during sign

د لوړو زده کړو وزیر د هېواد د پوهنتونونو ترمنځ هوکړه لیک لاسلیکول د نورو علمي څانګو لپاره یو ارزښتناک ګام وباله او ویې ویل چې باید علمي بنسټونو د یو بل له ظرفیتونو کار واخلي او د پوهې د پراختیا لپاره د هېواد له یوې ګوښې تر بلې ګوښې خپل رول او رسالت ترسره کړي. د لوړو زده کړو وزارت علمي معین پوهنمل عبدالتواب بالاکرزي د دغه پروګرام پر اهمیت د ټينګار ترڅنګ وویل، هغه وخت رارسېدلی چې د محدودو منابعو څخه په ګډه د پوره ګټه اخیستلو هڅه وشي.

د لوړو زده کړو وزارت علمي معین وویل:" افغانستان د دري، فارسي او پښتو ژبې او ادب غوښتونکی دی او یو وخت به د نړۍ نورو هېوادونو دلته ژبه زده کوله خو له بده مرغه اوسمهال زموږ په هېواد کې ادب او کلتور کمزوری شوی." پوهنمل بالاکرزي له دغه ګام څخه د خوښیو د څرګندولو ترځنګ خپل ملاتړ اعلان کړ او ټینګار یې وکړ چې رښتینوالي او پلي کولو لپاره به یې د لوړو زده کړو وزارت هېڅ ډول مرسته ونه سپموي.

د پښتو ژبې او ادبیات ماسټرۍ په رامنځته کولو او پلي کولو بهیر اسانتیا، د پښتو ژبې پیاوړتیا او انساني، تخنیکي او معنوي زېرمو څخه معقول او موخه لرونکې ګټه اخیستنه د پښتو ژبې او ادبیاتو لېسانس او ماسټرۍ په کچه د څانګپوهانو کادرونو پوهنې او روزنې کار د دې هوکړه یو له اړینو موخو څخه دی.

د هېواد دولتي پوهنتونونه د مادي، تخنیکي او انساني اسانتیاوو څخه په ګټې د یوې ګډې هڅې له لارې د ماسټرۍ ګډ پروګرامونه په بېلابېلو څانګو کې د اړتیا له مخې رامنځته کړي او غوښتونکو لپاره د زده کړې لا زیاته لار هواره کړي.

د ماسټرۍ ګډو پروګرامونو رامنځته کول د لوړو زده کړو په بنسټونو کې یوازې دا نه چې په پوهنتونونو کې د شته ځواکونو اغېزناکه ګټه اخیستنه ده بلکې د انلاین سیستم په کارولو سره د تحصیلي بنسټونو ترمنځ حضوري همغږۍ او نږدیوالي لامل کېږي او له بلې خوا د ځوانانو د تحصیلي کچې پورته کولو لپاره د غوښتونکو ځواب ویلو لامل کېږي.

تازه خبرونه

چهارشنبه ۱۴۰۰/۵/۲۰ - ۱۴:۲۱
Background image

شیخ زاید پوهنتون کې د بشپړ اعتبار ترلاسه کیدو او د ماسترۍ برنامې د پیل په ویاړ غونډه ترسره شوه

نن ورځ چهارشنبې (۲۰/اسد/۱۴۰۰) د شیخ زاید پوهنتون شهید خان عبدالصمد خان اڅکزي په تالار کې د بشپړ اعتبار خپلول او د ماسترۍ برنامې د پیل په ویاړ غونډه ترسره شوه، چې د شیخ زاید پوهنتون رئیس. . .

شنبه ۱۴۰۰/۵/۱۶ - ۱۱:۱۶
Background image

د لوړو زده کړو وزارت اعلامیه

د افغانستان د لوړو زده کړو وزارت د رهبري شورا د ۱۴۰۰/۵/۲ نېټې د پرېکړې پر بنسټ په یوولس ولایتونو (کابل، کندز، نیمروز، دایکندي، بلخ، جوزجان، بادغیس، کندهار، نورستان، سمنګان، پنجشېر او. . .

BACK TO NEWS