د کمپیوټر ساینس پوهنځی اکاډمیکې ازادۍ پالیسي
د لوړو زده کړو قانون دریمه ماده او یو لسم بند د اکاډمیکې آزادی په اړه وضاحت لري. د لوړو زده کړو وزارت باور لري چې له اکاډمیکې آزادی پرته ، علمي نهادونه وده نشي کولی.
څومره چې په ټولنه کې اکاډمیکې آزادی ته درناوی وشي ، د اکاډمیکې آزادی په وړاندې پراته خنډونه له منځه ځي ، او څومره چې د هېواد باسواده طبقې په خاصه توګه استادانو او مصحلانو ته پراخه سرچینې چمتو شي ، په همغه اندازه نوښتونه صورت نیسي. د نویو تیوریو او علمي څیړنو له لارې د ټولنې ودې لپاره مسؤلیت د ټولنې لپاره ګټورتوب او مؤثریت د استادانو او زده کوونکو په شتون کې څرګندیږي. په اکاډمیکه آزادی کې علمي بنسټونه او زده کړیئز چاپریال ، د زده کړې په اړه د بحث او مباحثې چاپیریال ، علمي څیړنې ، د کتابونو لوستلو فرهنګ وده او علمي انترنیټي سایټونه دخیل کیږي او د مقالو لیکل ، کتابونو لیکل ، د علمي انټرنیټی سایټونوکتنه او چاپي خپرونو کې ونډه اخیستنه په اکاډمیکه آزادی کې مرسته کوي.
د اکاډمیکې ازادی په برخه کې د لوړو زده کړو وزارت د کیفیت لوړولو او اعتبار ورکولو څانګې د کیفیت لوړولو بورډ یوه پالیسي جوړه کړي ترڅو د غوره کیفیت ترویج لپاره یوولس معیارونه پوره کړي.
پدې پالیسۍ کې ، داسې موارد شتون لري چې استادان او زده کونکي یې کولو کې زړه نازړه دي ، او داسې موارد هم شتون لري چې استادان او زده کونکي پکې ښکیل نه دي. په دې اساس ، که اکاډمیکه ازادي په سمه توګه تشریح شي ، اکاډمیکه ازادي د استادانو او زده کونکو د ودې لامل کیږي ، خوکه اکاډمیکه ازادي ناسمه تشریح شي ، ټولنه به د بدبختۍ او بې نظمۍ په لور راکاږي.
د موضوع اهمیت او اړتیا
د لوړو زده کړو په موسسو کې اکاډمیکه ازادي یو له اساسي اړتیاو څخه دی او د علمي نهادونو د ودې او پرمختګ لامل کیږي. بدبختانه ، ځینې وختونه په علمي بنسټونو کې سرغړونې شتون لري چې په استادانو ، زده کونکو او علمي ادارې باندې اغیزه کوي ، نو اوسنی پالیسي د اکاډمیکه ازادی بنسټیز کولو په موخه رامنځته شوي ده.
عمومي هدف
د لوړو زده کړو په ادارو کې د قوي ارادې احیا کول د ریښتیني علمي فضا رامنځته کول چې د استادانو او مشرتابه لخوا د لوړ کیفیت تدریس او تحقیق پر مټ رامنځته ته کیږي لوړو زده کړو بنسټونه د نوي پوهې په رامنځته کوونکي بنسټ باندې بدلوي.
شخصي موخې
- په پوهنځی کې د علمي ازادی مفکورې بنسټ ایښودل
- د هغو موادرو پیژندل چې د اکاډمیکې ازادی سره په ټکر کې دي
- په پوهنځی کې د اکاډمیکې ازادی اړتیاو پیژندل