د کمپيوټر ساينس پوهنځي محصلانو لخوا په اپلاین ډول د معلوماتو شریکولو انټرنيټي پوستغالي په اړه د پوهنتون اداري کارکوونکو ته یو ورځینی ورکشاپ ورکړل شو.
نن دوشنبه د ۱۴۰۳ هـ.ش کال د سنبلې مياشتې ۲۶مه، چې د ۱۴۴۶ هـ.ق کال د ربیع الاول مياشتې له ۱۳مې نيټې سره سمون لري، د شيخ زايد پوهنتون معلوماتي ټکنالوژي آمریت کې د کمپيوټر ساينس پوهنځي محصلانو هر یو احسان الله، هارون او عبدالباعث د پوهنتون اداري برخې کارکوونکو ته د دوی لخوا برابر شوي انټرنيټي پوستغالي، چې له انټرنيټ څخه بغير په اپلاین ډول کولی شي چې له یو بل سره اسناد او نور معلومات په محفوظ ډول شریک کړي، یو ورځنی ورکشاپ وړاندې شو.
د ياد انټرنيتي پوستغالي (سافټ وير) په مرسته کارونکي کولی شي چې له اسنادو سربېره، عکسونه، ويډیوګانې له یو بل سره شریکې او ويډیویي کنفرانسونه هم تر سره کړي.
ياد ورکشاپ د شيخ زايد پوهنتون مالي اداري او محصلانو معاونيتونو لخوا په شریکه برابر شوی و، چې د معلوماتي ټکنالوژي آمریت په همکارۍ وړاندې شو.
نشراتو او عامه اړیکو آمريت
