د شيخ زايد پوهنتون علمي شورا نوبتي ناسته تر سره شوه.
نن دوشنبه د ۱۴۰۳ هـ.ش کال د ثور مياشتې ۳۱مه، چې د ۱۴۴۵ هـ.ق کال د ذوالقعدې مياشتې له ۱۱مې نيټې سره سمون لري، د شيخ زايد پوهنتون علمي شورا ناسته د شيخ الحدیث مسلمين راشد تر مشرۍ لاندې چې د پوهنتون معاونينو، د پوهنځیو رئیسانو، لوړ رتبه استادانو پکې ګډون درلود تر سره شوه.
د شیخ زاید پوهنتون رئیس شیخ الحدیث مسلمین راشد په پرانیستونکي وینا کې وویل: ((په دندو کې ایمانداري او دیانت معتبر وګڼئ؛ چې په دې سره دندې پر مخ وړل عبادت ګڼل کیږي، د خپلو اړوندو مسؤلینو په اړه هڅه وکړئ چې کړنې یې وڅارئ، وظیفوي مسؤلیتونه ته یې متوجې کړئ، د دوی په خیانتونو سترګې مه پټوئ او په ګناهونو کې له مسؤلینو سره مرسته مه کوئ.))
ياده ناسته کې د درسي بهير څخه د څار کميټې کړنلاره، مالي کميټې راپور، د ۱۴۰۳ هـ.ش کال علمي برنامو بیا کتنه، عملي زده کړو په موخه د محصلانو انتقال لپاره د ترانسپورټ برابرول، د ځینو استادانو ترفیعاتو او نویو مقرریو په اړه بحث تر سره او په اړه یې لازمې پرېکړې تر سره شوې.
