محصلانو ته د ظرفيت لوړونې په موخه خبري او مطبوعاتي کنفرانس وړاندې شو.
نن سه شنبه د ۱۴۰۳ هـ.ش کال د ميزان مياشتې ۲۴مه، چې د ۱۴۴۶ هـ.ق کال د ربیع الثاني مياشتې له ۱۲مې نېټې سره سمون لري، په دې اړه هغه مراسم چې د شیخ زاید پوهنتون رياست مقام په تالار کې برابر شوي و، د محصلانو چارو مرستيال پوهنیار مجاهد همت یار، اداري کارکوونکو او ګڼ شمېر محصلانو ګډون کړی و.
دغه خبري او مطبوعاتي کنفرانس چې د ژورنالېزم او عامه اړیکو پوهنځي محصلانو سربېره د نورو پوهنځیو محصلانو هم ګډون پکې کړی و.
په دغه مطبوعاتي کنفرانس کې د محصلانو چارو معاونیت د تېرو دوو ربعو پر فعالیتونو او لاسته راوړنو معلومات وړاندې شول چې په پای کې د مطبوعاتي کنفرانس د اصولو له مخې د محصلانو لخوا په کنفرانس کې د وړاندې شویو معلوماتو په اړه پوښتنې هم ترسره شوې.
د دغه مطبوعاتي او خبري کنفرانس جوړولو موخه د ژورنالېزم او عامه اړیکو پوهنځي محصلانو لپاره د مطبوعاتي او خبري کنفرانسونو سره آشنا کول و، چې په راتلوونکې ژورنالستیک ډګر کې ترې استفاده وکړي.
د یادولو وړ ده چې یاد پروګرام د شیخ زاید پوهنتون محصلانو چارو معاونيت ترچتر لاندې د محصلانو خدمتونو سمون او همغږۍ آمريت د رسنیو مرکز له لوري برابر شوی و.
نشراتو او عامه اړیکو آمریت
