شیخ زاید پوهنتون کادري روغتون کرونا ناروغۍ لرونکو ته په چوپړکې
د شیخ زاید پوهنتون اداره په هرحالت کې د افغان ولس ترڅنګ پاتې شوې ده: پوهنتونونه او علمي مرکزونه له همدې ولس څخه جوړشوي، د همدې ټولنې او وګړو په درد درمند او په خوشالې یې خوشاله شوي دي. بد بختانه نن مو وطن او ټولنه په داسې یو ناورین اخته شوي ده ، چې که مخنیوی یې ونشي لوی ناورین به رامنځته کړي. کرونا ویروس ... ! د ذکرشوي ویروس پرضد دادی نن عملآ د شیخ زاید پوهنتون ۵۰ بستریزکادري روغتون د خوست ولایت عامې روغتیا ریاست ته د خوست ولایت د « روغتیايې کلستر» پریکړې په اساس ، د انساني او بشري ناورین مخنیوي په موخه د یاد ریاست په واک ورکړل شو. کرونا یوه وژونکې ناروغي ده ، چې په اړوند یې د شیخ زاید پوهنتون ادارې خپل مسؤلیت او عامه خبرونې کې د پوهنتون ویب سایټ او ټولنیزو شکبو ترڅنګ علمي سمینارونه هم دایر کړي دي. پوهنتونونو او علمي مرکزونو د انساني اذهانو د روښانه ساتلو ترڅنګ تل د ستونزو په حل کې رغنده رول لوبولی او دا یې خپل ایماني او وجداني مسؤلیت ګڼلۍ دی. هیله کیږي چې ددې ناروغۍ مخنیوي په موخه هغه مرستې او همکارۍ چې د داخلي او خارجي نهادونو، موسیساتو او بنسټونو لخوا کیږي ، د مسؤلو نهادونو لخوا د بې ځایه مصرف مخنيوي ترڅنګ په وخت او په ځای مصرف کړئ. خو لاندې انځور کې څو مهم ټکي هم له پامه مه غورځوئ
