شيخ زايد پوهنتون څخه د هلمند پوهنتون یو شمېر اداري کارکوونکو ليدنه وکړه.
نن شنبه د ۱۴۰۴ هـ.ش کال د چنگاښ میاشتې ۱۴مه، چې د ۱۴۴۷ هـ.ق کال د محرم الحرام میاشتې له ۹مې نیټې سره سمون لري، د هلمند پوهنتون یو شمېر اداري کارکوونکو، د ياد پوهنتون مالي او اداري چارو مرستيال ډاکټر سمیع الله سعید تر مشرۍ لاندې د شيخ زايد پوهنتون د بېلا بېلو برخو څخه د یو علمي سفر په ترڅ کې ليدنه وکړه.
د ریاست مقام په دفتر کې د شیخ زاید پوهنتون رئیس شیخ الحدیث مولوي محمد نسیم حقـ..ـاني لخوا راغلو مسؤلینو ته ښه راغلاست وویل شو او د دوو اړخیزو همکاریو ډاډ یې څرګند کړ.
د دواړو پوهنتونونو اړوندو برخو کارکوونکو تر منځ بېلا بېل معلومات، تجروبې، لاسته راوړنې او کاري وړتياوې شریکې شوې او په راتلونکي کې یو بل ته د لا همکارۍ ډاډ ورکړل شو.
د دواړو لوریو لخوا دا ډول علمي سفرونه ګټور وبلل شول او په راتلونکي کې یې د لا پراخېدو هيله وشوه.
نشراتو او عامه اړیکو آمريت
