د ښوونې او روزنې پوهنځی ریس

د ښوونې او روزنې پوهنځی د رئیس پیغام!

قدرمنو  محصلینو!  السلام علیکم ورحمت الله وبرکاته

په ټولنه کې د بشر هوساینې او د ښه پرمختګ لپاره زده کړې ډيرې مهمې دي له پخوا وختونو څخه تر اوسه پورې ټول وګړي په دې هڅه کې دي چې یو ښه راتلونکی ولري، ولې هغه راتلونکی باید د زده کړې، علم او پرمختګ په ګاڼه سمبال وي.

له ډير پخوا څخه انسانانو د خپل ژوند د پرمختګ لپاره تعلیم او تعلم کاوه. خو اوس د  ټکنالوژۍ زمانه ده اوعلم او زده کړې په کې فوق العاده پرمختګ کړی او کوي یې. د لاډيرو برياوو په خاطر ښوونځي، پوهنتونونه او اکادمیکې موئسسې جوړې شوې دي، په دې تړاو د شيخ زايد په پوهنتون کې د نورو پوهنځیو ترڅنګ د ښوونې او روزنې پوهنځی هم تاسيس شو، اوس خپل علمي او عملي فعاليتونه، هيواد او ټولنې ته  د لا ښه خدمت په موخه وړاندې کوي، د علم په ګاڼه سمبال کادرونه په  ملي او اسلامي روحیه  روزي  ترڅو د خپل  ګران هیواد د ابادۍ او سمسورتیا لپاره  نه ستړي کيدونکي هڅې وکړي او خپلې هڅې تاندې او ګړندۍ وساتي.

کورپاڼه>>