د ژورنالېزم او عامه اړیکو پوهنځي محصلانو ته د ظرفيت لوړونې په موخه په دریځ باندې د وینا ترسره کولو سیالۍ تر سرليک لاندې پروګرام وړاندې شو.
د ۱۴۰۳ هـ.ش کال د ميزان مياشتې ۱۲مه، چې د ۱۴۴۶ هـ.ق کال د ربیع الاول مياشتې له ۳۰مې نېټې سره یې سمون درلود، هغه مراسم چې د شیخ زاید پوهنتون د رياست مقام په تالار کې برابر شوي و، د محصلانو چارو مرستيال پوهنیار مجاهد همت یار، استادانو، اداري کارکوونکو او ګڼ شمېر محصلانو ګډون کړی و.
په دغه رقابتي سیالۍ کې د ژورنالېزم او عامه اړیکو پوهنځي ۲۰ تنو محصلانو په دریځ باندې خپلې ترتیب کړې ویناوې واورولې، چې د وینا ترسره کولو پر مهال پنځه کسیزې کمېټې له لوري په څلورو برخو کې ارزیابي شولې، چې د زیاتو نمرو درې اخیستوونکي محصلان د لومړي، دویم او درېیم مقام په ګټلو سره اعلان شول او په ستاینلیکونو ونازول شول.
د يادولو وړ ده، چې د محصلانو ظرفیت لوړونې او تشويق دغه پروګرام د محصلانو چارو معاونیت له لوري برابر شوی و.
نشراتو او عامه اړیکو آمریت
