د لوړو زده کړو وزارت د قرضونو او نا تکميل شویو پروژو څخه د ليدنې تخنیکي پلاوي د شيخ زايد پوهنتون له رهبري او اداري کارکونکو سره د یوې ناستې په ترڅ کې وکتل.
په دې اړه هغه ناسته چې نن یکشنبه د ۱۴۰۲هـ.ش کال قوس مياشتې ۱۲مه نيټه د شیخ زايد پوهنتون رياست مقام کې تر سره شوه، د شیخ زايد پوهنتون علمي مرستيال سید اسماعيل روحاني، د لوړو زده کړو وزارت اداري او زيربنا رئیس قاضي عبدالعزيز عزیزي په مشرۍ راغلي لس کسيز هئیت غړو، د شیخ زايد پوهنتون اړوندو برخو کارکونکو برخه لرله.
یاد هئیت به د ا.ا.ا راتګ څخه وړاندې د لوړو زده کړو بنسټونو کې د نیمګړو پروژو، قراردادونو، مقروضياتو، تأميناتو او ضمانتونو په اړه شواهد را ټول او د دې وزارت له مسؤلینو سره شريک کړي، ترڅو د اجراء لپاره یې لازم اقدامات ترسره شي.