د شیخ زاید پوهنتون علمي شورا غونډه ترسره شوه.

نن ورځ د ۱۴۰۱ هـ.ش کال د حوت میاشتې ۸مه نیټه، چې د ۱۴۴۴هـ.ق کال د شعبان میاشتې ۶مې نیټې سره سمون لري، د شیخ زاید پوهنتون علمي شورا غونډه ترسره شوه.
غونډه د قرآن کریم د څو مبارکو ایتونو په تلاوت سره د شرعیاتو پوهنځي رئیس پوهندوی سید کمال شاه بنوري لخوا پیل شوه.

د شیخ زاید پوهنتون رئیس شیخ محمد یعقوب نیازي پرانیستونکې خبرې وکړې، الله تعالی بنده ګانو ته د خدمت کولو باندې ډېر اجر ورکوي او الله تعالی د مؤمن بنده اجر نه ضایع کوي.
ښاغلي نیازي زیاته کړه چې له انسان څخه غلطي کیږي، خو بهتر انسان هغه دی چې خپلې غلطۍ جبیره کړي، د کابل ملي کنفرانس په اړه یې مفصل معلومات وړاندې کړل او استادانو ته په شیخ زاید پوهنتون کې د ملي کنفرانس د جوړیدو او چمتوالي په نیولو ټینګار وکړ، دوی ته یې لازمې سپارښتنې وکړې ترڅو یو بریالی او مؤفق کنفرانس وړاندې شي.

ورپسې په علمي ترفیعاتو، تثبیت، نوي تقرر او متفرقه موضوعاتو بحث او لازمې پرېکړې ترسره شوې.
غونډه د دعا په ویلو سره پای ته ورسیده.
د نشراتو، اطلاعاتو او عامه اړیکو آمریت