د اقتصاد او انجنیري پوهنځي بریښنا څانګې څخه ۲۱۵ محصلان فارغ شول.
جمعه د ۱۴۰۴ هـ.ش کال د چنگاښ میاشتې ۲۷، چې د ۱۴۴۷ هـ.ق کال د محرم الحرام میاشتې له ۲۲مې نیټې سره یط سمون درلود، د شيخ زايد پوهنتون اقتصاد او انجنیري پوهنځي بریښنا څانګې څخه ۲۱۵ تنو محصلانو ته د فراغت سندونه ورکړل شول او ټولنې ته د خدمت په موخه وړاندې شول.
یاد ترتیب شوي مراسم چې د شیخ زاید پوهنتون امام ابوحنیفه رحمه الله او د اداري ودانۍ غونډو تالارونو کې ترتیب شوي و، د شيخ زايد پوهنتون رئيس شيخ الحدیث مولوي محمد نسيم حـ.ـقاني، علمي چارو مرستیال پوهنمل نورالله حسین خېل، محصلانو چارو مرستیال مفتي رضوان الله منیب، د پوهنځيو رئيسانو، استادانو، محصلانو او د فارغېدونکو محصلانو د کورنیو غړیو ګډون کړی و.
غونډې ته د دواړو پوهنځیو رئیسانو لخوا استادانو، محصلانو او د محصلانو مېلمنو ته د ښه راغلاست ترڅنګ، محصلانو او د هغوی کورنیو غړیو ته مبارکيانې وړاندې کړې.
د محصلانو چارو مرستیال مفتي رضوان الله منیب او د علمي چارو مرستیال نورالله حسین خېل راغلو مېلمنو ته ښه راغلاست تر څنګ فارغو محصلانو او د هغوی کورنیو غړیو ته د لېسانس علمي دورې فراغت مبارکیانې وړاندې کړې.
دوی محصلانو ته وویل؛ چې تاسو له څلور کلنې تحصیلي مزل څخه وروسته عام کسان نه یاست؛ بلکې تاسو ته اوس د هېواد آبادۍ او پرمختګ مسؤلیت در غاړې شو او باید مسؤلیت په اداء کولو د ستړیا احساس و نه کړي، هدف او نیت مو د هېواد پرمختګ او آبادۍ په لور وګرځوي.
همدارنګه د دواړو پوهنځيو محصلانو په نماینده ګۍ انجنیر ګل ولي سعید او انجنیر عزت الله ویناوې وکړې، دوی د خپلو استادانو او خپلوانو څخه مننه وکړه، چې تر دې وخته یې ورسره کوښښونه وکړل او د ستونزو پر وخت کې ورسره څنګ په څنګ ولاړ و.
غونډه د تصدیق پاڼو په وېش او د دعاء په ویلو سره پای ته ورسیده.
نشراتو او عامه اړیکو آمریت
