د شيخ زايد پوهنتون علمي مجله تازه له چاپه را ووته.
د شيخ زايد يوهنتون علمي مجله چې علمي څېړنو معاونیت لخوا په هرو درېيو مياشتو کې یو ځل چاپېږي، تازه یې ۳۷مه ګڼه چې په بېلا بېلو علومو کې مختلفو موضوعاتو باندې تر سره شویو څېړنو باندې ليکل شوې ۲۳ مقالې پکې شاملې دي، له چاپه را ووته.
په دې ګڼه کې په ارتباطاتو کې د پیغام ارزښت، څنګه کولی شو چې له دين څخه د سياست جلا والي فکر اصلاح شي، د داخلي تولیداتو لپاره بازار موندنه، په خوست ولایت کې د صنعتي پارک اهمیت، د معنوي ملکيت حقوقو لنډه پېژندنه، په اسلامي شريعت کې د ښځو حقوق، د اسلامي حکومت بنسټونه او د خلیفه ټاکل کېدل، د اميندوارۍ پر مهال د ښځو د تغذيوي اړتياوو څېړنه، د خوست ولایت سياحتي سيمو لنډه پېژندنه، د وزې او غوا د شېدو پرتلنه او دې ته ورته ۲۳ څېړنيزې مقالي پکې ځای پر ځای شوي دي.
نشراتو او عامه اړیکو آمريت
