شیخ زاید پوهنتون کې د لوړو زده کړو مدیریتي او معلوماتي سیستم په اړه سمینار ورکړل شو

szu_admin
سه‌شنبه ۱۴۰۰/۴/۲۲ - ۱۴:۴۷
szu hemis

نن ورځ سه شنبې (۲۲/سرطان/۱۴۰۰) د شیخ زاید پوهنتون مسلکي پراختیا مرکزکې د لوړو زده کړو مدیریتي او معلوماتي سیستم په اړه یو ورځنۍ سمینار ورکړل شو.

szu hemis

په یاد سمینار کې د شیخ زاید پوهنتون اداري مرستیال فیض الله فیض، د محصلانو چارو مرستیال استاد محمد داود بابکرخیل، د پوهنځیو تدریسي او اجرئیه مدیرانو ګډون کړی و.

د محصلانو چارو مرستیال استاد محمد داود بابکرخیل د پیل خبرو کې وویل، چې سمینار د یاد سیستم په تخنیکي برخو کې د پوهې په اړه دی، چې د محصلانو د هرې برخې معلومات پکې خوندي کیږي. د لوړو زده کړو وزارت هدایت مطابق ضروري ده، چې د۱۳۹۷ ۱۳۹۸ او ۱۳۹۹ کلونو د محصلانو اړوند ډاټا پکې تکمیل شي.

szu HEMIS

مالي او اداري مرستیال فیض الله فیض د یاد سیستم د سهولتونو په اړه خبرې وکړي او زیاته یې کړه، چې داسې سیستمونه په دې اخیرو کې رامنځ ته شویدي چې واقعاً د حکومتوالۍ په برخه کې یې ښې اسانتیاوې رامنځ ته کړي دي، چې ښې بېلګې یې د کانکور ازموینې سیستم، اصلاحات اداري ازموینې سیستم او داسې نور دي.

سمینار د محصلانو چارو معاونیت اړوند دوه کارمندانو محصلانو چارو لوی مدیر عبدالودود شریفي او اجرایه مدیر امرالدین دانش لخوا وړاندې شو، چې څه موده وړاندې د یاد سیستم په اړه د لوړو زده کړو وزارت لخوا د کندهار پوهنتون کې ټرینینګ شوي وو. په سمینار کې د یاد سیستم پيژندنه، د سیستم برخې، سیستم کې د کار له مخې یوزر او د سیستم ځانګړنې او نورو معلومات وړاندې شول.

په پای کې د سمینار وړاندې کوونکو لخوا مختلفو پوښتنو ته ځوابونه وویل شول.

شیخ زاید پوهنتون تل په دې هڅه کې دی، چې دیته ورته نورو سمینارونو ته هم زمېنه مساعده کړي، ترڅو اداري چارو کې اسانتیاوې رامنځ ته شي

تازه خبرونه

چهارشنبه ۱۴۰۰/۵/۲۰ - ۱۴:۲۱
Background image

شیخ زاید پوهنتون کې د بشپړ اعتبار ترلاسه کیدو او د ماسترۍ برنامې د پیل په ویاړ غونډه ترسره شوه

نن ورځ چهارشنبې (۲۰/اسد/۱۴۰۰) د شیخ زاید پوهنتون شهید خان عبدالصمد خان اڅکزي په تالار کې د بشپړ اعتبار خپلول او د ماسترۍ برنامې د پیل په ویاړ غونډه ترسره شوه، چې د شیخ زاید پوهنتون رئیس. . .

شنبه ۱۴۰۰/۵/۱۶ - ۱۱:۱۶
Background image

د لوړو زده کړو وزارت اعلامیه

د افغانستان د لوړو زده کړو وزارت د رهبري شورا د ۱۴۰۰/۵/۲ نېټې د پرېکړې پر بنسټ په یوولس ولایتونو (کابل، کندز، نیمروز، دایکندي، بلخ، جوزجان، بادغیس، کندهار، نورستان، سمنګان، پنجشېر او. . .

BACK TO NEWS