شیخ زاید پوهنتون کې اداري کارمندانو ته د ظرفیت لوړنې روزنیز ورکشاپونو لړۍ پیل شوه

szu_admin
یکشنبه ۱۳۹۹/۶/۱۶ - ۱۶:۲۷
شیخ زاید پوهنتون کې اداري کارمندانو ته د ظرفیت لوړنې روزنیز ورکشاپونو لړۍ پیل شوه

شیخ زاید پوهنتون کې د اداري کارمندانو ظرفیت لوړونې روزنیزو سمینارونو لړۍ پیل شوه.
د شیخ زاید پوهنتون اداري کارمندانو په غوښتنه نن ورځ (۱۶/۶/۱۳۹۹) د مسلکي پرمختیا مرکز (Professional Development Center (PDC) کې ، اداري کامندانو ته د مسلکي اخلاقو (Legal Ethics in Practice) تر عنوان لاندې یو ورځنی زده کړه یز سمینار ورکړل شو.

شیخ زاید پوهنتون کې اداري کارمندانو ته د ظرفیت لوړنې روزنیز ورکشاپونو لړۍ پیل شوه
د سیمنار په شروع کې د پوهنتون مالي او اداري مرستیال فیض الله فیض ګډونوالو ته د سیمنار ارزښت په اړه په تفصیل سره خبرې وکړې، نوموړي په خپلو خبرو کې زیاته کړه چې (( یاد سیمنار یا سیمنارونه به د اداري مدیریتونو په چارو کې ګټور تمام شي او په اداره کې به مسلکي اخلاقو ته رشد ورکړل شي، په راتلوونکې کې هڅه داده چې د پوهنتون هر کارمند او استاد به لدې زده کړو برخمن شي. او له تاسو ګډونوالو څخه مې هیله داده چې ، د پروګرام په پای کې، د راتلونکي صنفي موادو د ښه بهبود په موخه، خپل نظرونه د استاد سره شریک کړئ، تر څو د یوه ښه او غوره مسلکي چلند کې مو پرمختګ منځته راشي)).
ښاغلي فیض د حقوقو او سیاسي علومو پوهنځي استاد پوهنیار محمد ساقي عادل څخه مننه وکړه چې پدې برخه کې یې ستونزې کړي او دا برخه پرمخ بیايي.
ورپسې استاد عادل خپلو خبرو کې زیاته کړه چې هر کارمند ته ، که هغه دولتي وي او یا خصوصي وي، لازمي دی چې د اداري او حقوقي اخلاقو سره په څنګ کې د مسلکي اخلاقو پوهه هم ولري ، مسلکي چلند په ټولنه کې اصلاحي تغیرات راولي او په نتیجه کې یې د مسلک څښتن عالي شخصیت لاسته راوړي.
د مسلکي اخلاقو پوهه په انسان کې د وجدان ویښتیا رامنځته کوي او دا ویښتیا ددې سبب کیږي چې د فساد او ناوړه اعمالو د اجراء مخه ونیسي.
د پروګرام په پای کې ګډونوالو ددې زده کړه یز پروګرام څخه خوښي وښوده او له پوهنتون رهبرۍ څخه یې غوښتنه وکړه ، چې د پروګرام وخت دې زیات شي.
د یادونې وړ ده چې شیخ زاید پوهنتون محصلینو ته د عملي زده کړو زمینې مساعدولو ترڅنګ، اداري کارمندانو ته هم وخت پر وخت زده کړه یز سمینارونه ورکړل شوي دي او پلان کې لري، چې راتلونکي کې هم دا لړۍ دوام وکړي

تازه خبرونه

چهارشنبه ۱۴۰۰/۵/۲۰ - ۱۴:۲۱
Background image

شیخ زاید پوهنتون کې د بشپړ اعتبار ترلاسه کیدو او د ماسترۍ برنامې د پیل په ویاړ غونډه ترسره شوه

نن ورځ چهارشنبې (۲۰/اسد/۱۴۰۰) د شیخ زاید پوهنتون شهید خان عبدالصمد خان اڅکزي په تالار کې د بشپړ اعتبار خپلول او د ماسترۍ برنامې د پیل په ویاړ غونډه ترسره شوه، چې د شیخ زاید پوهنتون رئیس. . .

شنبه ۱۴۰۰/۵/۱۶ - ۱۱:۱۶
Background image

د لوړو زده کړو وزارت اعلامیه

د افغانستان د لوړو زده کړو وزارت د رهبري شورا د ۱۴۰۰/۵/۲ نېټې د پرېکړې پر بنسټ په یوولس ولایتونو (کابل، کندز، نیمروز، دایکندي، بلخ، جوزجان، بادغیس، کندهار، نورستان، سمنګان، پنجشېر او. . .

BACK TO NEWS