شيخ زايد پوهنتون د بریښنایي زده کړو په برخه کې لومړی مقام خپل کړ.
د شیخ زاید پوهنتون د بریښنايي زده کړو کمېټې په چوکاټ کې د شپږو انلاین کورسونو د بشپړاوي له امله شیخ زاید پوهنتون د هېواد نهو پوهنتونونو په قطار کې لومړی مقام ګټلی، چې د شيخ زايد پوهنتون رهبري ټولو استادانو او په ځانګړي ډول د بریښنايي زده کړو کمېټې او هغه شپږو استادانو ته، چې دغه کورسونه یې د معیارونو مطابق په مطلوب ډول تکمیل کړي و، مبارکي وایي.
په پلان کې ده، چې روان کال به هم یو شمېر کورسونه د نورو پوهنتونونو ترڅنګ شیخ زاید پوهنتون ته وسپارل شي او په دې برخه کې به مسؤلانه او د معیارونو مطابق خپل مسؤلیت اداء کړي.
د یادولو وړ ده، چې د شیخ زاید پوهنتون په کچه د بریښنايي زده کړو په برخه کې د پام وړ کار ترسره شوی دی، چې ښه بېلګه یې سیستم ته د ۱۲۹۶ کورسونو پورته کول دي. ترڅنګ یې نورې اړوند چارې هم په معیاري ډول په خپل وخت ترسره شوي دي.
نشراتو او عامه اړیکو آمريت
