حقوقو او سياسي علومو پوهنځي کې د مالیاتو موخې تر عنوان لاندې کنفرانس وړاندې شو.
د ۱۴۰۳هـ.ش کال د عقرب میاشتې ۲۷مه، چی د ۱۴۴۶هـ.ق کال د جمادی الاولی میاشتې ۱۵مې نېټې سره برابره وه، د شیخ زاید پوهنتون حقوقو او سیاسي علومو پوهنځي کې چې د ياد پوهنځي استادانو، ژوري هیئت غړو او محصلانو حضور درلود، د حقوقو او سیاستي علومو پوهنځي رئیس پوهنوال محمد شفیق مندوزي لخوا د مالياتو موخې تر عنوان لاندې کنفرانس وړاندې شو.
په دغه کنفرانس کې د یو هېواد په اقتصادي پرمختیا کې د مالياتو رول، د عوايدو په راټولولو کې د مالياتو ونډه، د ټولنې د اقتصادي مشکلاتو په حل کې د مالياتو ونډه او په ټولنه کې د بیوزلۍ له منځه وړلو کې د مالیاتو اهميت په اړه او په یو شمېر نورو موضوعات باندې معلومات ورکړل شول، چې په نتیجه کې د جرایمو مخنیوي کې مهم رول لرلی شي.
نشراتو او عامه اړیکو آمریت
