د شیخ زاید پوهنتون رهبري پلاوي د لوړو زده کړو محترم سرپرست وزیر سره د وزارت مقام کې لیدنه وکړه

szu_admin
Mon, Nov 02 2020 2:50 PM
د شیخ زاید پوهنتون رهبري پلاوي د لوړو زده کړو محترم سرپرست وزیر سره د وزارت مقام کې لیدنه وکړه

د شیخ پوهنتون رهبري پلاوي چې د پوهنتون استادانو یې ملتیا کوله، نن ورځ (۱۱/ عقرب/۱۳۹۹) د لوړو زده کړو محترم سرپرست وزیر عباس بصیر ته د نوې دندې مبارکي وویله.

د شیخ زاید پوهنتون رهبري پلاوي د لوړو زده کړو محترم سرپرست وزیر سره د وزارت مقام کې لیدنه وکړه

د خبرو په پیل کې د شیخ زاید پوهنتون رئیس پوهنمل حسین ګل اریوبي له مبارکۍ وروسته خپل هیئت معرفي کړ او ورپسې یې د پوهنتون بهبود لپاره خپلې غوښتنې د محترم وزیر صاحب حضور کې وړاندې کړې.

د شیخ زاید پوهنتون رهبري پلاوي د لوړو زده کړو محترم سرپرست وزیر سره د وزارت مقام کې لیدنه وکړه

پدې غوښتنو کې د کادري روغتون لپاره دوامداره مصارف( Running Cost) ، د پوهنتون لپاره ۲۴ ساعته برښنا، د کادري روغتون لپاره الحاقیه ودانۍ، د ښځینه محصلانو او کارمندانو د بچیانو لپاره وړوکتون او نورې ساختماني پروژې شاملې وې.

ښاغلي اریوبي له مقام څخه غوښتنه وکړه، چې په راتلونکې کال کې ددې پروژو په بودیجه کې ځایول اړین دي.

ورپسې یو شمېر استادانو ددې پروژو پر اهمیت رڼا واچوله چې د وزیر صاحب ځانګړې پاملرنې سبب وګرځید.

د ناستې په دوهمه برخه کې د لوړو زده کړو محترم وزیر عباس بصیر د رهبري پلاوي څخه د مننې ترڅنګ ژمنه وکړه، چې په نږدې راتلونکې وخت کې به د شیخ زاید پوهنتون څخه لیدنه وکړي، تر څو ددې علمي مرکز کادرونه او پکې شته فرصتونه له نږدې وګوري.

محترم وزیر صاحب بصیر هوکړه وکړه چې د پوهنتون بهبود لپاره غوښتنې به تعقیب کړي.

محترم سرپرست وزیر استادانو ته سپارښتنه وکړه، چې پر شاګرد محوره سیستم کار وکړي تر څو د شاګرد له وړتیاوو څخه پوره استفاده وشي. هغه وویل چې پوهنتونونه نور باید په معنوي تولیدي مراکزو بدل شي او د تدریس پر کیفیت ځانګري توجه وشي، چې دا کار د تحقیق او ریسرچ په برخه کې فوق العاده رول لرلی شي.

د یادونې وړ ده چې محترم سرپرست وزیر صاحب ته د افغاني دود له مخې چپنه هم پر اوږو ورکیښودل شوه

Latest news

Mon, Jul 20 2020 1:54 PM
Background image

Minister Of Higher Education Has Been Meets With Sir:Sulimanzai,Who Was Seriously Injured By The Rubbers

Acting Minister of Higher Education, Col. Abdul Tawab Balakzai, met with teacher Habibullah Suleimanzai, who was severely injured by armed robbers. Professor Abdul Tawb Balakzai called. . .

BACK TO NEWS