شیخ زاید پوهنتون کې د ملکي خدمتونو دندې ته څنګه ومنل شو تر عنوان لاندې د ور کشاپونو لړۍ پیل شوه

شیخ زاید پوهنتون کې د پورتني عنوان لاندې شروع شوي د سمینارونو لړۍ ، چې د محصلانو چارو معاونیت د میلمه استاد ( Guest Lecturer) برنامې لاندې په (۲۴/۶/۱۳۹۹) نیټه شروع شوي وه، نن ورځ (۲۶/۶/۱۳۹۹) پای ته ورسیده.

پدې لړۍ کې د پوهنتون اخري کال محصلانو ته د دریو ورځو په ترڅ کې دا ورزده شول، چې څنګه کولای شي د شفافې پروسې له لارې، د اداري اصلاحاتو او ملکي خدمتونو په چوکاټ کې دندې ومومي.
د شیخ زاید پوهنتون علمي مرستیال پوهنمل شفیع ګل شفیقي ددې پروګرام وړاندې کوونکي استاد عبدالبصیر سباوون او ورسره مله ملګرو څخه د پوهنتون رهبرۍ په نمایندګۍ مننه وکړه او ترڅنګ یې خپلو خبرو کې یاد، پروګرام ګټور وباله او زیاته کړه ، چې فارغیدونکو محصلانو سره د دندو په پیدا کولو کې پوره مرسته کولای شي .

ورپسې د محصلانو چارو مرستیال پوهنیار محمد داود بابکرخیل هم د استاد سباوون له ټیم څخه مننه وکړه چې په پوره فصاحت ، بلاغت او حوصلې سره یې محصلانو ته سمینار وړاندې کړ.
بابکرخیل زیاته کړه چې د پوهنتون رهبرۍ تل هڅه داده، چې هیواد او تولنې ته د غوره خدمت په موخه ښه روزل شوی او د وخت پر غوښتنو سمبال کادرونه وړاندې شي.

د پروګرام درېیمې ورځې وروستۍ برخه ، د مهال ویش مطابق ښځینه محصلانو ته ځانګړي شوي وه ، تر څو دوی هم لکه د نورو نارینه ځوانانو په څېر هم ددې پروګرام له ګټو برخمنې شي. د یادونې وړ ده چې یاد پروګرام کې ټول ټال ۱۵ صنفه نارینه او ښځینه محصلینو ته وړاندې شول.

د کار موندنې پوهاوي پروګرام وروستي شیبو کې استاد سباوون د شیخ زاید پوهنتون له رهبرۍ د زره له تله مننه وکړه او ویې ویل (( زه ددې پوهنتون له رهبرۍ او په ټوله کې له هر فرد فرد که هغه محصل دی او که استاد زښته زیاته مننه کوم چې ماته يې سهولتونو په واک کې راکړي وو او هیڅ نوعه ستونزې سره مخ نشوم. ویاړم چې د هیواد په یوه مهم ولایت کې داسې پوهنتون لرو. ))
وروسته د پوهنتون رهبرۍ لخوا استاد سباوون ته د ستاینلیک ورکړې تر څنګ د افغاني دود له مخې د ښې کارکردګۍ په پار لنګۍ هم ور په سر کړل شوه.
په پای کې پروګرام د یوه باثباته او سیال افغانستان په هیله پای ته ورسید