د طبي تخصص نړيوالې ازموينې په اړه معلوماتي سيمينار وړاندې شو.
د شيخ زايد پوهنتون امام ابو حنیفه رحمه الله غونډو په تالار کې د ډاکټر کليم الله وردګ لخوا د طبي تخصص نړيوالې ازموينې درې مرحلې معرفي کړې او د هرې مرحلې لپاره د چمتووالي منابع، مطالعوي ستراتيژۍ، وخت تنظيم او مالي لګښت په اړه معلومات وړاندې کړل.
په ياد سیمینار کې د شيخ زايد پوهنتون طب پوهنځي استادانو او محصلانو سربېره د خوست ولایت ځینې خصوصي پوهنتونونو محصلانو هم ګډون کړی و.
د سیمينار په پای کې د شيخ زايد پوهنتون طب پوهنځی استادانو پوهنيار ډاکټر مجــ.ـاهد همت یار او پوهنيار ډاکټر احمد خواجه لخوا ډاکټر کليم الله وردګ ته د پښتني دود له مخې د درناوي لونګۍ ور په سر شوه.
نشراتو او عامه اړیکو آمريت
