د ژورنالېزم او عامه اړیکو پوهنځي ۴۳ محصلانو ته د عملي زده کړو او کار تر عنوان لاندې پروګرام وړاندې شو.
په دغه پروګرام کې په عملي بڼه د تلویزیوني راپور جوړولو او د کاري ساحې جوړو شویو راپورونو عملي بېلګې، فوټو ژورنالېزم اړوند د مسلکي تصویر او ویډیو اخیستلو هنرونه او لارې چارې، راپور په جوړولو کې د کاري ساحې عملي تجربې، محصلانو پوښتنو ته ځوابونه او په عملي توګه د ژورنالېزم اړوند نورو موضوعاتو په اړه معلومات له محصلانو سره شریک شول.
یاد پروګرام د شیخ زاید پوهنتون محصلانو معاونیت د خدمتونو سمون او همغږۍ آمريت اړوند د رسنیو مرکز له لوري برابر شوی و، چې د خوست ملي راډیو تلویزیون خبریال سیف الله ظاهر لخوا پرمخ یوړل شو او د نظري درسونو ترڅنګ، په کاري ساحه کې د محصلانو د عملي کار ترسره کولو اړوند ستونزې پکې تر ډېره حل شوې.
نشراتو او عامه اړیکو آمریت
