څېړنې ميتودو لوژي، علمي مقالو لیکنې او نشر تر عنوان لاندې څلور ورځینی سيمينار پیل شو.
نن ورځ د ۱۴۰۲ هـ.ش کال د تلې مياشتې ۱۰مه، چې د ۱۴۴۵ هـ.ق کال د ربیع الاول مياشتې له ۱۷مې نيټې سره برابره ده، د شیخ زاید پوهنتون په مسلکي پرمختيایي مرکز کې (۳۰) تنو استادانو لپاره څلور ورځینی سیمینار پیل شو، چې د شیخ زاید پوهنتون استادانو سربېره به پکې د خصوصي پوهنتونونو استادان هم برخه واخلي.
د پیل په ناسته کې د شیخ زاید پوهنتون علمي چارو مرستيال او سرپرست سيد اسماعیل روحاني او د ورکشاپ ګډونوالو استادانو ګډون کړی و، ښاغلي روحاني ګډونوالو ته د ښه راغلاست تر څنګ په علمي ډګر کې د څېړنې په ارزښت باندې خبرې وکړې.
یاد ورکشاپ به د پوهنمل دوکتور احمد جاويد شکيب او پوهنمل نورالله حسن خيل لخوا وړاندې شي او څلور ورځې به دوام وکړي.
نشراتو او عامه اړیکو آمریت
