د افغان پرمختیایي مؤسسې مسؤلینو شیخ زاید پوهنتون له رئیس سره لیدنه ترسره کړه.
نن ورځ ۱۴۰۱هـ.ش کال د دلوې میاشتې ۱۵مه نیټه، چې د ۱۴۴۴ هـ.ق کال د رجب المرجب میاشتې له ۱۳مې نیټې سره برابره ده، د شیخ زاید پوهنتون رئیس شیخ محمد یعقوب نیازي سره د افغان پرمختیايي مؤسسې د ریاست مقام په دفتر ناسته وکړه.
د مؤسسې مسؤلینو لخوا د زراعت په برخه کې د کار کولو ځینو سامان آلاتو مرستې ترڅنګ د مؤسسې مسؤلینو ډاډ څرګند کړ چې په دې برخه کې به نورو همکاریو ته هم دوام ورکوي.
د شیخ زاید پوهنتون رئیس شیخ محمد یعقوب نیازي د یادې مؤسسې له مسؤلینو انجینر عبدالصبور هادي او انجینر فیصل څخه مننه وکړه او دا ډول مرستې یې د پوهنتون په ښکلا او زرغونتیا برخه کې مؤثرې وبللې او پوهنتون یې د ټولو هېوادوالو ګډ کور وباله چې په ګډه به ورته د پرمختګ او بهبود په برخه کې هلې ځلې کوو.
د نشراتو، اطلاعاتو او عامه اړیکو آمریت
