اداري کارکوونکو ته د پلان جوړونې او اداري مراسلاتو په برخه کې ورکشاپ داير شو.
دوشنبه د ۱۴۰۴ هـ.ش کال د سنبلې مياشتې درېیمه، چې د ۱۴۴۷ هـ.ق کال د ربیع الأول مياشتې له لومړۍ نيټې سره برابره ده، د شيخ زايد پوهنتون اداري کارکوونکو د ظرفيت لوړونې په موخه د خوست ولایت کارکوونکو چارو رياست، د ولایت اداري اصلاحاتو او ملکي خدمتونو آمريت او د شيخ زايد پوهنتون مالي او اداري چارو معاونيت په ګډه همکارۍ دوه ورځنی ورکشاپ پیل شو.
د ورکشاپ د پیل په مراسمو کې د شيخ زايد پوهنتون مالي او اداري چارو مرستيال مولوي محمد جاويد خالد، د ولایت مقام د کارکوونکو چارو رئيس حاجي معاذ، د اداري اصلاحاتو او ملکي خدمتونو آمر مولوي محمد رسول سعید او د يادو ادارو کارکوونکو ګډون درلود، چې په ټوله کې یې د دغه ورکشاپ په اهميت او ارزښت ویناوې وکړې او دغه ورکشاپ یې د کارکوونکو د ظرفيت لوړونې او کارونو په ښه شان پرمخ بېولو لپاره یې اړین ياد کړ.
ياد ورکشاپ چې دوه ورځې به دوام وکړي د پلان جوړونې، ارزيابۍ او اداري مراسلاتو اړوند یو شمېر اړین موضوعاتو باندې به معلومات ارایه او نظريات تبادله شي.
نشراتو او عامه اړیکو آمريت
