د شيخ زايد پوهنتون د بېلا بېلو پوهنځیو او اداري برخو حاضریو کنترول ترسره شو.
د ۱۴۰۴ هـ.ش کال د وري مياشتې ۱۶مه، چې د ۱۴۴۶ هـ.ق کال د شوال المکرم مياشتې له ۷مې نيټې سره سمون لري، د شيخ زايد پوهنتون رهبرۍ لخوا د پوهنتون د اداري او تدریسي برخو د حاضریو کتابونو کنټرول ترسره او مسؤلینو ته یې سپارښتنې وشوې، چې د استادانو او اداري کارکوونکو حاضریو ته پوره توجو وکړي؛ ترڅو د مراجعینو ضرورتونه او د محصلانو درسونه له ځنډ او خنډ سره مخامخ نه شي او د کوچني اختر تر تېرېدو وروسته د پوهنتون چارې بېرته عادي حالت ته جريان پیدا کړي.
نشراتو او عامه اړیکو آمريت
