د شیخ زايد پوهنتون علمي شورا نوبتي ناسته تر سره شوه.
نن چهار شنبه د ۱۴۰۳ هـ.ش کال د کب مياشتې لومړۍ، چې د ۱۴۴۶ هـ.ق کال د شعبان المعظم مياشتې له ۲۰مې نیټې سره سمون لري، د شیخ زايد پوهنتون علمي شورا نوبتي ناسته د علمي چارو مرستیال پوهنمل نورالله حسین خېل تر مشرۍ لاندې، چې د يادې شورا ټولو غړو حضور درلود، تر سره شوه.
د قرآن کريم څو مبارکو آیتونو له تلاوت او د علمي چارو مرستیال له لنډې وینا وروسته، د علمي کادر د تقرر پروسې رهنمود، د پوهنتون معاونيتونو، پوهنځیو او تدریسي روغتون سرطبابت په توحیدي راپورونو، د پوهنتون شپږو علمي برنامو دوره یي بیا کتنې، د استادانو په علمي ترفېعاتو، مقرریو او یو شمېر متفرقه مسايلو باندې بحث تر سره او په اړه یې لازمې پرېکړې تر سره شوې.
نشراتو او عامه اړیکو آمريت
