د لوړو زده کړو مديریتي او معلوماتي سيستم اړوند آنلاین کنفرانس تر سره شو.
دوشنبه د ۱۴۰۳ هـ.ش کال د میزان مياشتې ۳۰مه، چې د ۱۴۴۶ هـ.ق کال د ربیع الثاني مياشتې له اتلسمې نېټې سره سمون لري، د لوړو زده کړو وزارت مدیریتي او معلوماتي سيستم په اړه آنلاین کنفرانس تر سره شو.
په ياد کنفرانس کې د لوړو زده کړو وزارت محصلانو چارو رياست د ډیټابيس آمر عبدالسمیع چکري، د ولایتي پوهنتونونو محصلانو مرستیالانو او د ياد سيستم مسؤلینو ګډون کړی و.
ياد کنفرانس کې د شيخ زايد پوهنتون په نماينده ګۍ د محصلانو چارو مرستيال پوهنيار مجاهد همت يار او د محصلانو چارو آمر مولـ.ـوي سید کبير سنګين ګډون درلود، چې د ښاغلي سنګين لخوا د کنفرانس ګډونوالو ته د سیستم د پوره تطبیق او د کارونو ترسره کیدو په اړه اطمینان ورکړل شو.
د کنفرانس ګډونوالو لخوا د ياد سیستم ځينې ستونزې او په اړه یې نظرونه له یو بل سره شريک شول.
نشراتو او عامه اړیکو آمريت
