د شپې پوهنځیو لپاره د کانکور آزموینه واخيستل شوه.
د شيخ زايد پوهنتون امام ابوحنیفه رحمة الله غونډو په تالار کې د خوست او پکتیا ولایتونو شپنیو پوهنځیو له شاوخوا (۶۰) نوماندانو څخه د کانکور آزموینه واخيستل شوه
د آزموینې لپاره په راټولو شویو مراسمو کې د شيخ زايد پوهنتون علمي او محصلانو چارو معاونينو، د آزموینو ملي ادارې څخه د عبدالماجد ناقد په مشرۍ راغلي پلاوي، د شیخ زايد پوهنتون استادانو او د آزموینې ګډونوالو برخه لرله.
د محصلانو چارو مرستيال پوهنيار ډاکټر مجاهد همتيار په خپلو خبرو کې د آزموینو ملي ادارې څخه راغلي پلاوي او د آزموینې ګډنوالو ته ښه راغلاست ووایه او د آزموینې روڼتیا په اړه یې بشپړ ډاډ ورکړ.
د آزموینو ملي ادارې څخه راغلي پلاوي مشر عبدالماجد ناقد په خپلو خبرو کې د شپنیو پوهنځيو کانکور آزموینو په اړه چې نن ورځ به په ټول افغانستان کې واخيستل شي معلومات وړاندې کړل او د نننۍ آزموینې د شفافيت په اړه یې ګډونوالو ته ډاډ ورکړ.
د يادولو ده چې په شپنیو پوهنځیو کې د جذب په موخه نن ورځ په ننګرهار، کندهار، بلخ، خوست، باميان او کندز ولایتونو په مربوطه پوهنتونونو کې کانکور آزموینه واخيستل شوه.
