د لوړو زده کړو وزارت مديریتي او معلوماتي سيستم په اړه یو ورځنی ورکشاپ وړاندې شو.
نن چهار شنبه د ۱۴۰۲ هـ.ش کال د مرغومي ۲۰مه، چې د ۱۴۴۵ هـ.ق کال د جمادي الثاني له ۲۸مې نيټې سره سمون لري، د شيخ زايد پوهنتون د دوولسو پوهنځيو د څانګو آمرينو، تدريسي او اجرائیه مديرانو لپاره د لوړو زده کړو مديریتي او معلوماتي سيستم (HEMIS) په اړه يو ورځنی ورکشاپ ورکړل شو.
ياد ورکشاپ د محصلانو چارو معاونيت له لوري ترتيب شوی و، چې د کمپيوټر ساینس پوهنځي د معلوماتي ټکنالوژي څانګې آمر پوهنمل محمد داود بابکرخېل لخوا وړاندې شو.
