محصلانو ته په ژورنالېزم کې د جغرافیې اهمیت ترسرلیک لاندې سیمینار وړاند شو.
د شیخ زاید پوهنتون ژورنالېزم او عامه اړیکو پوهنځي محصلانو ته د محصلانو چارو معاونیت له لوري په ژورنالېزم کې د جغرافیې اهمیت موضوع په اړه ترتیب شوی سیمینار وړاندې شو.
په دې سیمینار کې د ژورنالېزم په برخه کې د جغرافیې پر ارزښت، د ژورنالېزم او جغرافیې ترمنځ اړیکې، د پېښو د ځای پېژندنې او د راپورونو باور رامنځته کول، د سیمو جغرافیایي، کلتوري او سیاسي ځانګړتیاوو پېژندنه، د راپورونو جوړولو پرمهال د نقشو او ډیجیټلي وسایلو کارولو اهمیت او یو شمېر نور اړوند معلومات وړاندې شول. د سیمینار په پای کې د محصلانو لخوا پوښتنې هم ترسره شوې چې د استاد لخوا ورته هر اړخیز ځوابونه وویل شول.
د یادونې وړ ده چې یاد سیمینار د ټولنیزو علومو پوهنځي استاد پوهنیار نظیرګل صدیقي لخوا وړاندې شو.
نېټه: بنجشنبه
د ۱۴۴۷ هـ.ق کال ذوالقعدة الحرام شپږمه
د ۱۴۰۵ هـ.ش کال د ثور درېیمه
د ۲۰۲۶ م کال اپريل ۲۳مه
نشراتو او عامه اړیکو آمريت
