د محصلانو بدني او ذهني غښتلتیا په موخه د فوټبال سيالیو لړۍ پیل شوه.

szu_admin
Thu, Sep 21 2023 9:25 AM
SZU

شیخ زاید پوهنتون کې د (خپل وطن خوږ وطن) تر نامه لاندې د فوټبال سيالۍ د ۱۲ پوهنځیو او اداري مامورینو لوبډلو ترمنځ پیل شوې.

د پیل په مراسمو کې د شیخ زاید پوهنتون د محصلانو چارو مرستيال پوهنيار ډاکټر مجاهد همتيار ورزش د بدن د روغتیا او غښتلتیا لپاره زيات مهم و باله او زياته یې کړه، چې محصلان د درسونو په ښه ډول په مخ بېولو لپاره د ښه صحت تر څنګ ذهني ارامتیا او هوساینې ته هم زياته اړتيا لري.

يادې سيالۍ به د پوهنتون د ۱۲ پوهنځیو (طب، انجینري، کرنې، کمپیوټر ساینس، ژبې او ادبیات، حقوق او سیاسي علوم، اقتصاد، ښونه او روزنه، ژورنالېزم او عامه اړیکې، شرعيات، ټولنيز علوم، وترنري) او د پوهنتون اداري مامورینو لوبډلو ترمنځ تر سره کیږي.

يادولو وړ ده چې شیخ زاید پوهنتون اداره د محصلانو غوره زده کړو ترڅنګ د هغوی روغتیا ساتلو په فکر کې هم ده او څه موده وړاندې یې د کريکټ او والیبال سيالۍ هم د محصلانو تر منځ په لاره اچولي وې.

 

نشراتو او عامه اړیکو آمريت

 

Latest news

Tue, Nov 15 2022 11:37 AM
Background image

National Symposium of Natural Science at Shaikh Zayed university- Khost

About conference: National Symposium of Natural Science which will be held at Sheikh Zayed University (Khost). The conference provides a platform for professionals involved in natural. . .

BACK TO NEWS