د شیخ زاید پوهنتون تضمين کیفیت کميتې ناسته تر سره کړه.
نن د ۱۴۰۲ هـ.ش کال د وري مياشتې ۱۶مه نيټه د شیخ زاید پوهنتون تضمين کیفیت کميټې خپله نوبتي ناسته د علمي چارو مرستیال پوهنمل عبدالطیف رحیمي په مشرۍ تر سره کړه.
ناسته د قرآن عظیم الشان څو مبارکو آیتونو په تلاوت سره یل شوه، ورپسې د تضمين کیفیت آمر ښاغلي عبدالرحمن د تېر ۱۴۰۱ هـ.ش کال په جريان کې د تضمين کیفیت په بهیر لنډه رڼا واچول شوه.
د کميتې غړو هر يو ښاغلي پوهندوی ریدي ګل همدرد، پوهندوی محمد شفیق مندوزي، پوهندوی صالح خان صالح او پوهنمل قدرت الله ځواک په خپل وار سره د څانګو دوره یي بيا کتنې او کلني څار ګزارشونو، د (۱۱) ګونو معیارونو پربنسټ د پوهنتون د ځان ارزونې ګزارش، د تضمين کیفیت او لوړونې د بهير په هکله د عامه پوهاوي یو ورځیني ورکشاپ او د وزارت مقام څخه د نوي فارمټ د تشریح په مورد د عامه پوهاوي د یو ورکشاپ د ترتیب په اړه په خپل وار سره خبرې وشوې.
په پای کې د کمیتې د غړو تر منځ آزاد بحث ترسره شو او د تضمين کیفيت په برخه کې د پوهنتون زیات پرمختګ په اړه لازم تدابیر ونيول شول.
نشراتو، اطلاعاتو او عامه اړیکو آمريت
