شیخ زاید پوهنتون کې د ۱۴۰۰ مالي کال بودیجې په اړه د پوهاوي سمینار ورکړل شو
نن ورځ سه شنبه( ۲۸/ثور/۱۴۰۰کال)د شیخ زاید پوهنتون د خان عبدالصمدخان اڅکزې غونډو په تالار کي د ۱۴۰۰ کال منظورې شوې بودیجې په اړه د شیخ زاید پوهنتون مالي او ادارې چارو مرستیال فیض الله فیض لخوا ترتیب شوی سمینار وړاندې شو.
په سمینار کې د شیخ زاید پوهنتون علمي او ادارې چارو مرستیالانو، د پوهنځیو رئیسانو، ځینو استادانو او کارمندانو ګډون کړی و، چې د فیض الله فیض لخوا د شیخ زاید پوهنتون د بودیجې د مصرف په اړه معلومات وړاندې شول.
د یادونې وړ ده، چې د ۱۳۹۹ مالي کال بودیجه، د ادارې چارو مرستیال په وینا، ۹۹،۹ سلنه په مصرف رسیدلې ده.
