شیخ زاید پوهنتون کې د کانکور ازموینې لړۍ پیل شوه

szu_admin
Sat, May 01 2021 12:07 PM
شیخ زاید پوهنتون کې د کانکور ازموینې لړۍ پیل شوه

نن ورځ چهارشنبې (۸/ثور/۱۴۰۰) د سږ کال کانکور ازموینو درې ورځنۍ لړۍ په شیخ زاید پوهنتون کې پیل شوه.د پیل په مراسمو کې د شیخ زاید پوهنتون رئیس پوهنمل حسین ګل اریوبي، د کابل څخه راغلي د ازموینو ملي ادارې پلاوي مشر پوهندوی دوکتور رحیم الله ځيرک او ورسره مل پلاوی، د پوهنتون مرستیالانو او د ازموینې لپاره ټاکل شویو استادانو ګډون درلود.

شیخ زاید پوهنتون کانکور1400کال ازموینه

غونډه د شرعیاتو پوهنځی رئیس پوهنمل محمد ولید اسحاق زي لخوا د قرانکریم د څو مبارکو ایتونو په تلاوت سره پیل شوه.په سر کې د پوهنتون رئیس پوهنمل حسین ګل اریوبي راغلي هیئت ته ښه راغلاست ووایه او ټینګار یې وکړ، چې د کانکور ازموینه باید د ازموینو ملي ادارې قوانینو او اصولو مطابق په پوره شفافیت سره واخیستل شي او پر استادانو یې غږ وکړ چې پدې برخه کې د راغلي پلاوي سره هراړخیزه همکاري وکړي.

شیخ زاید پوهنتون 1400کال کانکور ازموینې لومړۍ ورځ

د راغلي پلاوي مشر پوهندوی دوکتور رحیم الله ځیرک په خپلو خبرو کې وویل، چې ولس د امتحاناتو ملي اداره باندې پوره باور لري او ددې باور لاسته راوړنه کې د استادانو بې پارېتوب او په کارونو کې پوره شفافیت دی. همدا سبب شو چې ولسمشر د امتحاناتو ملي اداره په مستقله اداره تبدیله کړه.

​​​​شیخ زاید پوهنتون ۱۴۰۰ کال ازموینې لومړۍ ورځ

دوکتور ځیرک د کانکور اخیستنې ټوله تګلاره یې تشریح کړه او په خبرو کې یې زیاته کړه، چې د امتحاناتو ملي ادارې لخوا د کانکور پروسه په ټولو ولایاتو کې پرته له توپیري چلند یو شان اخیستل کېږي. دوکتور ځیرک د پوهنتون له رهبرۍ مننه وکړه، چې له دوی سره په چارو کې پوره همغږي لري.

سږ (۱۴۰۰) ل ل کال کانکور ازموینې لپاره ۵ زره ۶۰۳ کسانو د خوست له حوزې ثبت نام کړی دی، چې له دې جملې څخه یې یو زر ۴۶ ښځینه کاندیدانې دي.

د یادونې وړ ده، چې تېرو دریو ورځو کې تقریبا پنځه زره کسان کسان بایو متریک شوي دي ، چې لدې جملې څخه به شیخ زاید پوهنتون ته ۲ زره ۵۳۰ کسان په مختلفو پوهنځیو کې جذب شي، د کانکور یاده لړۍ به سبا پنجشنبه او جمعه هم دوام ولري

Latest news

Mon, Jul 20 2020 1:54 PM
Background image

Minister Of Higher Education Has Been Meets With Sir:Sulimanzai,Who Was Seriously Injured By The Rubbers

Acting Minister of Higher Education, Col. Abdul Tawab Balakzai, met with teacher Habibullah Suleimanzai, who was severely injured by armed robbers. Professor Abdul Tawb Balakzai called. . .

BACK TO NEWS