د شيخ زايد پوهنتون محصلانو ته د مالیې وزارت اړوند د افغانستان مسلکي محاسبینو ادارې لخوا یو ورځنی سیمینار ورکړل شو.
د ۱۴۰۳ هـ.ش کال د مرغومي مياشتې ۱۱مه، چې د ۱۴۴۶ هـ.ق کال د جمادی الثاني مياشتې له ۲۹مې نیټې سره یې سمون درلود، د شیخ زايد پوهنتون اقتصاد، کمپيوټر ساینس، انجینري، کرنې، ښوونې او روزنې پوهنځیو ۱۵۰ محصلانو ته د مالیې وزارت خزاینو لوی رياست اړوند د افغانستان مسلکي محاسبینو ادارې(CPA Afghanistan) مسؤلینو لخوا، د لوړو زده کړو وزارت سره په همغږۍ د افغان زده کړه يالانو لپاره د ACCA بورسونو ته (د نوم لیکنې، زده کړو او ازموینو فیسونو بېرته ورکؤنې)، تفتیشي شرکتونو ته د جواز ورکؤنې، مالیې او نړیوالو معیارونو په اړه برابر شوی یو ورځنی سیمینار ورکړل شو.
د محصلانو چارو مرستیال پوهنیار مجاهد همت یار د یادې برخې له مسؤلینو مننه وکړه، چې شیخ زاید پوهنتون ته راغلل او سیمینار یې ارایه کړ، نوموړي محصلانو ته د ورته نورو برنامو ترتیبولو وعده کړه؛ چې په مناسبو وختونو کې به تر سره شي.
محصلانو لخوا یاد سیمینار د دوی د مسلکي زده کړو، پرمختګونو او کاري ساحو سره د بلدتیا لپاره ډېر اړین او مهم وبلل شو.
نشراتو او عامه اړیکو آمريت
