د شيخ زايد پوهنتو علمي شورا خپله نوبتي غونډه تر سره کړه.
نن ورځ سه شنبه د ۱۴۰۲ هـ.ش کال د عقرب مياشتې ۳۰مه، چې د ۱۴۴۵ هـ.ق د جمادي الاول مياشتې له ۷مې نيټې سره برابره ده، د شیخ زاید پوهنتون علمي شورا خپله نوبتي ناسته د علمي مرستيال سيد اسماعيل روحاني تر مشرۍ لاندې تر سره کړه، چې د شیخ زايد پوهنتون مرستيالانو، د ټولو پوهنځيو رئیسانو او لوړ رتبه استادانو پکې ګډون کړی و.
په ياده ناسته کې د شيخ زايد پوهنتون د څېړنو او علمي مجلې د مرستيال معرفۍ سربېره، د ځينو استادانو په ترفيعاتو، تقرر، انفکاک، اداري سيستم، د محصلانو په ځينو ستونزو او یو شمېر متفرقه مسائلو باندې بحث وشو او لازمې پرېکړې تر سره شوې.
