شیخ الحدیث مسلمين راشد د شیخ زاید پوهنتون علمي او اداري کارکونکو ته د نوي رئیس په توګه د یوې غونډې په ترڅ کې ور وپېژندل شو.

szu_admin
شنبه ۱۴۰۲/۸/۱۳ - ۱۱:۱۴
shaikh

شيخ زاید پوهنتون ته نوی رئیس معرفي شو.

شیخ الحدیث مسلمين راشد د شیخ زاید پوهنتون علمي او اداري کارکونکو ته د نوي رئیس په توګه د یوې غونډې په ترڅ کې ور وپېژندل شو.

m

هغه غونډه چې نن پنجشنبه د ۱۴۰۲ هـ.ش کال د عقرب مياشتې یوولسمه چې د ۱۴۴۵ هـ.ش کال د ربیع الثاني مياشتې له اتلسمې نيټې سره برابره ده، د شیخ زاید پوهنتون امام ابو حنیفه رحمة الله په تالار کې رابلل شوې وه، د خوست ولایت جیدو علماء کرامو، د خوست ولایت والي الحاج ملا بسم الله عبدالله، د شیخ زاید پوهنتون نوی رئیس شیخ الحدیث مسلمين راشد، د خوست ولایت والي مرستيال مولوي محبوب شاه قانت، د خوست ولایت امنيه قوماندان حافظ عبدالرشید عمري، د پوهنې رئیس مولوي محمد انور دین پرور، د شیخ زاید پوهنتون مرستيالانو، د پوهنځيو رئیسانو، استادانو، اداري کارکونکو او محصلانو ګډون کړی و.

m

د قرآن عظیم الشان څو مبارکو آيتونو له تلاوت وروسته د شیخ زاید پوهنتون علمي مرستيال سید اسماعيل روحاني نوي رئیس او ورسره راغلو مېلمنو ته د ښه راغلاست ويلو تر څنګ د شیخ زاید پوهنتون په اړه لنډ معلومات وړاندې کړل او ویې ویل؛ چې شیخ زاید پوهنتون د افغانستان په کچه د پوره علمي اعتبار څخه برخه مند دی او ان شاءالله چې دا اعتبار به په راتلونکي کې هم ساتي.

نوموړي نوي رئیس ته د پوهنتون په نماینده ګۍ د پوره همکارۍ ډاډ ورکړ او زياته یې کړه، چې شیخ زاید پوهنتون علمي او اداري کارکونکي به لکه د پخوا په څېر خپلو چارو ته په پوره همغږۍ ادامه ورکوي او ستاسو هر آمر منلو ته به غاړه ږدي.

ښاغلي روحاني د شیخ صاحب مسلمين راشد د تقرر هغه حکم چې د اميرالمؤمنين په لاسلیک راغلی و، د غونډې برخه والو ته ولوست.

m

د شیخ زايد وهنتون نوي ټاکل شوي رئیس شیخ الحدیث مسلمين راشد هم غونډې ته عالمانه وینا وکړه او ویې ويل، چې دیني او عصري علوم دواړه د یو بل سره تړلي دي او دواړه د انسانیت تکميلونکي دي، نوموړي زياته کړه د دين او اسلام دښمنانو د تفرقې اچولو لپاره دیني او عصري علوم یو له بل سره جدا کړي و، چې حقیقت هيڅکله هم داسې نه دی، د انسان وجود د روحانيت چې اسماني ماده ده او ځمکنۍ مادې چې جسد دی، یوه ټولګه ده، دیني علوم یې روحانيت او عصري علوم د جسد تکميلونکی دی.

m

نوموړي ژمنه وکړه چې د شیخ زاید پوهنتون چارې به د پوهنتون علمي او اداري کارکوونکو سره په همغږۍ او همکارۍ پر وړي.

شیخ الحدیث افضل حسین حسیني په خپلو خبرو کې وویل، پوره باور لرم، د شیخ زاید پوهنتون نوی رئیس چې زه یې له نږدې پېژنم ډېر یو متدین، نيک او په کار پوه شخص دی، ان شاءالله ستاسو په همکارۍ به د پوهنتون کارونه په پوره صداقت او کاميابۍ سره په مخ یوسي.

د خوست ولایت مرستیال والي مولوي محبوب شاه قانت هم وینا وکړه، نوموړي د جـ هاد په دوران کې د ښاغلي راشد قربانیو يادونه وکړه او د شیخ زاید پوهنتون له ادارې ټولو علمي او اداري پرسونل څخه یې د شيخ صاحب سره د پوره همکارۍ غوښتنه وکړه.

m

غونډه د خوست ولایت پوهنې رئیس مولوي محمد انور دین پرور لخوا د دعاء په ویلو سره پای ته ورسيده.

 

 

نشراتو او عامه اړیکو آمریت

 

تازه ترین اخبار

شنبه ۱۴۰۰/۵/۹ - ۱۴:۵۴
Background image

تفاهم‌نامۀ هفت ‌جانبۀ همکاری میان هفت پوهنتون کشور به منظور گسترش و تطبیق برنامه های ماستری زبان و ادبیات پشتو با حضور داشت هیات رهبری وزارت تحصیلات عالی به امضاء رسید.

تفاهم‌نامۀ هفت ‌جانبۀ همکاری میان هفت پوهنتون کشور به منظور گسترش و تطبیق برنامه های ماستری زبان و ادبیات پشتو با حضور داشت هیات رهبری وزارت تحصیلات عالی به امضاء رسید.

یکشنبه ۱۴۰۰/۴/۲۰ - ۱۰:۲۱
Background image

دکتور عباس بصیر وزیر تحصیلات عالی در ملاقاتی با هیئت رهبری پوهنتون گلیشیم استانبول کشور ترکیه روی موضوعات مختلف علمی و اکادمیک صحبت و تبادل نظر نمودند

در این ملاقات هئیت رهبری پوهنتون متذکره ضمن ابراز خوش آمدید به دکتور عباس بصیر وزیر تحصیلات عالی و هئیت همراه شان به آن پوهنتون، در رابطه به نهاد تحصیلی متذکره معلومات مختصر ارایه نمودن. . .

شنبه ۱۴۰۰/۴/۱۹ - ۹:۳۳
Background image

اعلامیه وزارت تحصیلات عالی

اعلامیه وزارت تحصیلات عالی

BACK TO NEWS