نویو محصلانو ته د اسلامي او افغاني فرهنګ په اړه د عامه پوهاوي سیمینار وړاندې شو.
نن شنبه د ۱۴۰۴ هـ.ش کال د سنبلې میاشتې ۲۹مه، چې د ۱۴۴۷ هـ.ق کال د ربیع الأول میاشتې له ۲۷مې نیټې سره برابره ده،
د شيخ زايد پوهنتون نویو محصلانو ته د اسلامي او افغاني فرهنګ په اړه د عامه پوهاوي سیمینار وړاندې شو.
په دغه سیمينار کې د فرهنګ او کلتور پېژندنه او توپیرونه یې، اسلامي او افغاني مشترک فرهنګونه، غوره او ناوړه کلتورونه، فرهنګي یرغل او د غوره کلتورونو ترويج او ساتنې موضوعاتو باندې معلومات ورکړل شول.
ياد سیمینار د شيخ زايد پوهنتون فرهنګي کمېټې لخوا برابر شوی و، چې د وترنري علومو پوهنځي استاد او د يادې کمېټې مرستيال پوهنيار مصطفی لودين لخوا وړاندې شو.
نشراتو او عامه اړیکو آمريت
