محصلانو ته د ازموینو پر مهال د اضطراب او ستړیا اړوند سیمينار ورکړل شو.
د ازموينې اضطراب داسې يوه پديده ده، چې ډېری افرادو تجربه کړې ده او دا يو طبيعي حس دی، چې زیات محصلان يې له ازموينې وړاندې تجربه کوي او هغه مهال د ازموينې د اضطراب په عنوان پېژندل کېږي، چې د تشويشونو سطحه له يو مشخص حد څخه واوړي.
په دې اړه هغه سیمينار چې د شيخ زايد پوهنتون محصلانو چارو معاونيت اړوند د محصلانو خدمتونو او همغږۍ آمريت له لوري د بېلا بېلو پوهنځیو محصلانو لپاره برابر شوی و، چې د ښوونې او روزنې پوهنځي استاد پوهنمل احسان الله احسان لخوا وړاندې شو.
په ياد سیمينار کې د ازموینې د اضطراب پېژندنه، د ازموينې د اضطراب علايم، د ازموينې د اضطراب لاملونه او د ازموينې پر اضطراب برلاسي کیدلو اړوند مسایلو باندې په زړه پورې معلومات ورکړل شول.
نشراتو او عامه اړیکو آمريت
