د ملګرو ملتونو د خوراک او کرنې ادارې هیئت د شيخ زاید پوهنتون له رئیس سره وليدل.
د شيخ زايد پوهنتون رياست مقام کې د ملګرو ملتونو نړیوالې ادارې د خوراک او کرنې (UNFAO) برخې ادارې هیئت د شيخ زايد پوهنتون له رئيس شيخ الحدیث مسلمين راشد، مالي او اداري چارو مرستيال پوهنمل مفتي عزت نور، د کرنې پوهنځي رئیس پوهنمل اختر جمال جمالي چې د يادې برخې مدیران هم موجود و وليدل.
په ياده ناسته کې د شيخ زايد پوهنتون شاوخوا کې د ځنګلي ساحو د احداث په اړه خبرې وشوې او د يادې ساحې لپاره په لازمو وسایلو لکه: د ځنګلي ساحو په منځ کې د سرکونو جوړول، د ځنګلي ساحې په پاسنۍ برخه کې د آبيارۍ لپاره د اوبو ټانکي جوړول، د پوهنتون په داخل کې د اوبو رسولو سیستم، د شاخه بوري وسايلو برابرول، د ځنګل سانتې لپاره د کټارو جوړول، د ځنګل آبياري کولو لپاره د ژورو څاه ګانو کيندل، له ځنګل سره نږدې ساحه کې د نيالګیو ذخيره جوړول، د نباتاتو د ناروغيو او افتونو لپاره کيمياوي درملو برابرول او یو شمېر نورو موضوعاتو باندې خبرې وشوې، چې د يادې مؤسسې څخه راغلي هیئت لخوا په ځينو برخو کې د همکارۍ ډاډ ورکړل شو.
نشراتو او عامه اړیکو آمريت
