شیخ زاید پوهنتون څخه(۳۷۷) محصلان فارغ شول.
نن ورځ ۱۴۰۲ هـ.ش کال د عقرب میاشتې ۲۷مه، چې د ۱۴۴۵ هـ.ق کال د جمادي الاول مياشتې له ۴مې نيټې سره سمون لري، شیخ زاید پوهنتون کې د درېيو مختلفو غونډو په ترڅ کې، له حقوقو او سياسي علومو، ژبو او ادبياتو او انجينري مهندسي څانګې څخه (۳۷۷) محصلانو فارغ شول. غونډو کې د پوهنتون رهبري سر بېره، استاذانو، فارغو شویو محصلانو او د هغوی خپلوانو ګډون کړی و.
غونډو ته په خپلو ویناوو کې د شیخ زاید پوهنتون علمي مرستيال سید اسماعيل روحاني راغلو مېلمنو او د فارغانو کورنیو ته د ښه راغلاست تر څنګ هغوی ته مبارکيانې ورکړې او فارغو محصلانو ته یې د زده کړو په ډګر کې د نورو زده کړو، خپل مسلک کې د پاتې کېدو او د ښه خدمت توفيق غوښتنه وکړه.
د اړوندو پوهنځيو رئیسانو او استاذانو په خپلو ویناوو کې محصلان و هڅول چې تل خپلو مسؤلیتونو ته ژمن او پابند واوسي او خدمات چې ټولنې ته یې وړاندې کوي باید خپل دين او د ټولنې عنعناتو ته پکې پوره ژمنتيا ولري. همدارنګه خپلې زده کړې په همدې ځای بس نه کړي او تر ماسټرا او دوکتورا پورې مخته لاړ شي.
د يادو مراسمو په ترڅ کې د حقوقو او سياسي علومو پوهنځي څخه(۱۴۸)، د ژبو او ادبياتو له پوهنځي څخه (۱۲۹) او د انجینر پوهنځي مهندسي څانګې څخه (۵۵) تنه محصلان فارغ او ټولنې ته د خدمت په موخه وړاندې شول.
نشراتو او عامه اړیکو آمريت
