د شیخ زاید پوهنتون رئیس شیخ صاحب محمد یعقوب نیازي د پوهنځیو له رئیسانو سره د پوهنتون ریاست په مقام کې ولیدل.
د شیخ زاید پوهنتون رئیس شیخ صاحب محمد یعقوب نیازي د پوهنځیو له رئیسانو سره ځانګړې ناسته ترسره کړه.
ناسته د قرآن کریم د څو مبارکو آیتونو په تلاوت سره پیل او ښاغلي نیازي په پیلیزو خبرو کې استادانو ته وویل کله چې په یوه اداره کې کارونه په پوره اتفاق او هماهنګۍ سره ترسره کیږي، نو د هغې ادارې ټول کارونه په منظم ډول پرمخ ځي، نو پکار ده چې په پوره اخلاص او کلک هوډ سره په ګډه د پوهنتون ټولو ستونزو او مشکلاتو ته د حل لارې چارې ولټوو، ترڅو پوهنتون د هېواد او نړۍ په کچه یو سیال پوهنتون وګرځي.
ښاغلي نیازي د پوهنځیو له رئیسانو څخه د اړوندو پوهنځیو ستونزو او وړاندیزونو په لیکلي ډول غوښتنه وکړه، ترڅو یې پرمټ د پوهنتون ستونزې حل او د پوهنتون د پرمختګ لامل وګرځي.
د پوهنځیو رئیسانو لخوا په خپل وار سره د ځینو ستونزو او د پوهنتون د پرمختګ په اړه نظرونه د پوهنتون له رئیس سره شریک کړل.
د نشراتو، اطلاعاتو او عامه اړیکو آمریت
