د پامير لوړو زده کړو خصوصي مؤسسې خالي کادري بستونو تخصصي ازموینه واخيستل شوه.

چهارشنبه د ۱۴۰۴ هـ.ش کال د سرطان مياشتې څلورمه، چې د ۱۴۴۶ هـ.ق کال د ‌ذوالحجة الحرام مياشتې ۲۸مې نيټې سره برابره وه، شيخ زايد پوهنتون کې د پامير لوړو زده کړو خصوصي مؤسسې د کمپیوټر ساينس، اداره او تجارت پوهنځیو اړوند خالي کادري بستونو د تېرې ورځې د خارجي ژبې ازموینې له بريالیو نوماندانو څخه د اړوندو بستونو تخصصي ازموینه واخيستل شوه.

د يادې ازموینې د پيل په غونډه کې د شيخ زايد پوهنتون علمي چارو مرستيال پوهنمل نورالله حسین خېل، د کادري ازموینو د کمېټې غړو او د ازموینې ګډونوالو برخه لرله، چې د علمي چارو مرستيال لخوا د ازموینې ګډونوالو ته په خپلو خبرو کې د ازموینې د پوره شفافيت ډاډ ورکړل شو.

په یاده ازموینه کې لسو کسانو ګډون درلود، چې په پایله کې به یې درې تنه د پامير لوړو زده کړو خصوصي مؤسسې دوو پوهنځیو اداره او تجارت او کمپيوټر ساينس پوهنځيو خالي کادري بستونو ته لاره بيامومي.

نشراتو او عامه اړیکو آمريت