شیخ زاید پوهنتون کې د ۱۴۰۰تحصیلي کال کانکور ازموینې لړۍ پای ته ورسیده

szu_admin
Sun, May 02 2021 9:14 AM
szu tha last day of 1400 Kankor exam day

نن جمعه (۱۰/ثور/۱۴۰۰) د سږ کال لپاره شیخ زاید پوهنتون کې درې ورځنۍ د کانکور ازموینې لړۍ د درېیمې ورځې ازموینې په اخیستو سره پای ته ورسیده.

د پوهنتون رهبرۍ او کابل څخه راغلي پلاوي مشر پوهندوی دوکتور رحیم الله ځیرک د ازموینې له صحنو څخه د شفافیت او ستونزو ته د رسیدو په موخه لیدنه وکړه.

szu 1400 year Kankor exam  last day

د پوهنتون د محصلانو چارو مرستیال پوهنیار استاد محمد داود بابکرخیل په وینا، چې ددې ازموینې لپاره د خوست حوزې څخه د ۱۴ م پاسانو او ۱۲ م ټولګیو فارغانو په شمول ۵ زره ۶۰۳ کاندیدانو ثبت نام کړی وو، چې له دې جملې څخه یې یو زر ۴۶ ښځینه کاندیدانې، ۳۸۸ څوارلسم پاس، ۱۲۰ د شپې او ۱۵ دیني علومو ته ثبت شوي وو.

ښاغلي بابکرخیل زیاته کړه، چې پدې ازموینه کې تقریبا پنځه نیم زره کسانو ګډون وکړ، چې ۲ زره ۵۳۰ کسان به د شیخ زاید پوهنتون په مختلفو پوهنځیو کې جذب شي.

دوکتور ځیرک د پوهنتون ادارې ترڅنګ له ټولو امنیتي ارګانونو څخه خوښي څرګنده کړه، چې په امنیتي اړخ کې یې پوره همکاري وکړه

د شیخ زاید پوهنتون رهبري د ټولو امنیتي ارګانونو، د کابل څخه راغلي پلاوي، د پوهنتون استادانو او اداري کارمندانو څخه د زړه له تله مننه وکړه، چې پدې مبارکه روژه کې یې دغه ملي پروسه په پوره روڼوالي سره پرمخ یوړه

Latest news

Mon, Jul 20 2020 1:54 PM
Background image

Minister Of Higher Education Has Been Meets With Sir:Sulimanzai,Who Was Seriously Injured By The Rubbers

Acting Minister of Higher Education, Col. Abdul Tawab Balakzai, met with teacher Habibullah Suleimanzai, who was severely injured by armed robbers. Professor Abdul Tawb Balakzai called. . .

BACK TO NEWS