د شيخ زايد پوهنتون رهبري شورا نوبتي غونډه تر سره شوه.
نن دوشنبه د ۱۴۰۴ هـ.ش کال د ثور مياشتې ۲۲مه، چې د ۱۴۴۶ هـ.ق کال د ذوالقعدة میاشتې له ۱۴مې نیټې سره برابره ده، د شيخ زايد پوهنتون رياست مقام کې د پوهنتون رهبري شورا نوبتي ناسته د پوهنتون رئیس شيخ الحدیث مولوي محمد نسيم حـ.ـقـاني تر مشرۍ لاندې تر سره شوه.
په غونډه کې چې د پوهنتون رئيس سربېره، مرستيالانو او د پوهنځيو رئيسانو ګډون کړی و، د پوهنتون رئيس شیخ الحدیث مولوي محمد نسیم حـ.ـقانـي له لوري د پرانیستونکي وینا څخه وروسته د پوهنتون د اجناسو د ثبت تګلاره، د اړوندو مسؤلینو له لوري د رهبري شورا د پرېکړو د تطبیق په اړه اطمینان ورکولو، د پوهنځيو شاوخوا سرسبزه کولو کې د اړوندو پوهنځيو رئيسانو برخه اخیستلو، د ژباړې، لیکوالۍ او ډیزاین مرکز جوړونې طرحې او يو شمېر نورو متفرقه مسايلو په اړه بحث تر سره او په اړه یې لازم تصمیمونه ونيول شول.
نشراتو او عامه اړیکو آمريت
