د شيخ زايد پوهنتون علمي شورا ناسته د لوړو زده کړو وزير په مشرۍ تر سره شوه.
نن شنبه د ۱۴۰۳ هـ.ش کال د تلې میاشتې ۲۷مه، چې د ۱۴۴۶ هـ.ق کال د ربیع الثاني مياشتې له ۱۶مې نېټې سره سمون لري، د شيخ زايد پوهنتون علمي شورا ناسته د لوړو زده کړو وزير شیخ الحدیث مولوي نـ.داء محمد ندیم په مشرۍ تر سره شوه.
په ناسته کې د شیخ زاید پوهنتون رئیس شیخ الحدیث مسلمین راشد، مرستیالانو، د پوهنځیو رئیسانو او د علمي شورا غړو ګډون کړی و.
په سر کې د لوړو زده کړو وزارت وياند حافظ ضیاءالله هاشمي لخوا د قرآن الکريم څو مبارکو آیتونو له تلاوت وروسته د شيخ زايد پوهنتون علمي مرستيال پوهنیار نور الله حسین خېل ټولو راغلو مېلمنو ته ښه راغلاست ووايه او د شيخ زايد پوهنتون په اړه یې هر اړخيز معلومات، لاسته راوړنې او د پوهنتون اړوند ځينې اړینې غوښتنې یې وړاندې کړې.
د لوړو زده کړو وزير په خپلو خبرو کې وويل، د پوهنتون حالات چې زه ګورم اعتماد مې حاصل شو، نوموړي زياته کړه چې مسؤلين بايد د علم ترقۍ ته لا نور متوجې شي، مونږ او تاسې مسؤلین یو، بايد خپلو کارونو ته متوجې شو، ځکه چې مسؤلين خدمت کوونکي وي، د نـ.ـ.ـظام پالیسي بايد په خپلو چارو کې په نظر کې ونيسو، ځکه چې دا پالیسي د اسلام مبارک دين تګلاره ده.
ناسته د دعاء په ویلو سره پای ته ورسیده.
نشراتو او عامه اړیکو آمريت
