په څېړنیز فارم کې د غوښینو چرګانو روزنې مرکز جوړېږي.
د شيخ زايد پوهنتون څېړنیز فارم کې د کرنې پوهنځي حیواناتو روزنې څانګې محصلانو ته د عملي زده کړو لپاره د غوښینو چرګانو روزنې لپاره څېړنیز مرکز د جوړیدو چارې روانې دي.
یاد مرکز به د روزنې لپاره په ټولو اړینو اسانتياوو باندې سمبال وي، چې د ۳۰۰۰ چرګانو روزنې وړتیا به ولري، په دې سره به نه یوازې دا چې د حیواناتو روزنې څانګې محصلان خپلې عملي زده کړې په ښه شان تر سره کړي؛ بلکې د غوښینو چرګانو د خوړو توليد، ناروغیو او روزنې لارو چارو باندې به مختلې څېړنې تر سره شي، چې د دې برخې د تجارانو لپاره به ګټورې تمامې شي.
دا په داسې حال کې ده چې له دې وړاندې د شيخ زايد پوهنتون اړوند څېړنیز فارم کې د چرګانو روزنې لپاره کوچنی مرکز موجود و، چې له کمو اسانتیاوو څخه برخه من و او د محصلانو ټولو ستونزو ته یې ځواب نه شو ویلی، د نوي جوړیدونکي پارم په تکميل سره به ياد مرکز د محصلانو د عملي زده کړو تر څنګ په یو عایداتي سرچینه هم تبدیل شي.
نشراتو او عامه اړیکو آمريت
